Accessibility links

Labari da Dumi-Duminsa

Mutane kamar talatin sun jikkata kuma an tura motocin jinya da dama wurin da abin ya faru

An kashe wani dan sanda guda da wasu fararen hula guda biyu a lokacin da wani bom ya tashi a mota a wajen ofishin ‘yan sandan Turkiyya, kusa da iyakar ta da Siriyya, a cewar Firayin Ministan Turkiyyar, Binali Yildirim yau Laraba.

Mutane kamar talatin sun jikkata kuma an tura motocin jinya da dama wurin da abin ya faru a garin Midyat, a kudu maso gabashin kasar inda kurdawa suka fiyawa.

Firayin ministan ya zargi ‘yan bindigar kurdawa da kai harin. ‘Yan kungiyar kurdawa da ake kira PKK a takaice, sun sha auna jami’an ‘yan sanda da sojan Turkiyya tun daga watan Yulin bara a kokarin da suke yi na samun yankin cin gashin kansu a kudu maso gabashin kasar.

Firayin minista Yildirim yayi wannan jawabin ne bayan da ya ziyarci wadanda suka jikkata a harin da aka kai a Istanbul, inda aka hallaka mutane 11, ciki harda jami’an tsaro su 7, tare da raunata wasu su 36 a lokacin da mutane ke hada-hadar fita zuwa wuraren aiki da safe.

XS
SM
MD
LG