Ministan yada labarai na Somaliya, Mohammed Abdi Hayir Mareye, gaskanta wannan labarin a tattraunawa da shahen Somali na VOA yana mai cewa, "Za mu bada cikakken bayani idan wakilan da suka kai ziyara Malaysia karkashin jagorancin Mataimakin Firaminista Mohamed Omar Arte, sun dawo .”
A lokacin da yake tattaunawa da manema labarai a Kuala Lumpur, Ministan Tsaron Malaysiya Datuk Seri Hisammuddin yace Kasar sa zata tura Hafsoshi uku da wasu Sojoji goma sha bakwai na rundunar kiwon lafiya ta Sojin kasar zuwa Somaliya.
Ministan ya kara da cewa wasu Sojojin kasa su goma sha daya da suka hada da Hafsa daya da Sojoji goma zasu zasu samarda tsaro ga wannan tawagar Sojoji a Somaliya. Abincin da kuma kayan magungunan za’a kai su Somaliya ne ta Jirgin Sama Kirar C-130 wanda ake wa lakabi da Hercules.”
Ministan yayi bayanin dakarun da kuma kayan za’a tattara su ne daga Riyadh, Saudi Arabia, inda suke da mazauni na Sojoji marasa yawa domin taimakawa wajen kwashe Yan kasar Malaysiya dake Yemen. Amma da yawa suna ganin wani bangare ne na Sojojin kawance don a yaki tsagerun Houthi a Yemen.
Facebook Forum