Accessibility links

Labari da Dumi-Duminsa

Abin Da Masu Sharhi Ke Cewa Kan Matsayar Gwamnonin Arewacin Najeriya Game Da Mulkin Karba-Karba


Taron Gwamnoni Arewacin Najeriya A Jihar Kaduna.

Kasa da sa’o’i 24 da bayyana matsayarsu a game da tsarin mulkin karba-karba da maida shugabancin Najeriya kudancin kasar, masana shari’a da masu sharhi kan lamurran siyasa da ma wasu 'yan kasar sun ce hadin kan bangarori da bin kundin tsarin mulkin kasar shi ne mafita.

A yayin taron hadin gwiwa da sarakunan gargajiyar yankin da ya gudana a jihar Kaduna, gwamnonin arewacin Najeriya 19 suka bayyana matsayarsu game da batun tsarin karba-karba da wajibcin maida shugabancin kasar zuwa kudanci batun da a baya suka ce hakan ya sabawa kundin tsarin mulkin kasa.

Yankin kudancin kasar na fadin ya zama wajibi shugbancin kasar ya koma bangarensu, yayin da wasu daga cikin shugabannin Arewa ke cewa kundin tsarin mulki bai tsara hakan ba.

Gwamnan jihar Filato, Samon Lalong ya ce yayin da wasu gwamnonin Arewa ke ganin lokaci ya yi a mayar da mulki kudu, amma taron da shugabannin suka gudanar sun yanke shawarar cewa hakan ya sabawa tsarin mulkin Najeriya, domin tsarin mulki bai tilastawa kowa ya yi zabe ba.

Barrista Mainasara Kogo Umar, ya ce maganar karba-karba batu ne na san rai amma taken Najeriya ya bayyana cewa hadin kan kasa da girmama bangarori daban-daban shi ne zai kawo ci gaban al’umma.

A wani bangaren kuma wasu na ganin duk da cewa mulkin na karba-karba ba ya cikin kundin tsarin mulki, tsarin zai iya samar da daidaito wajen samar da zaman lafiya da kore rarrabuwar kawunan al'umomin kasar.

A 'yan watannin baya kungiyar gwamnonin kudancin Najeriya suka yi taro a jihar Legas inda suka cimma matsaya cewa shugabanicn kasar ya koma yankinsu.

Domin karin bayani saurari rahotan Halima Abdurra’uf.

please wait

No media source currently available

0:00 0:03:10 0:00


Dubi ra’ayoyi

Dalilin Da Ya Sa Nake Sana’ar Sayar Da Shayi Duk Da Cewa Ni Kansila Ne

Dalilin Da Ya Sa Nake Sana’ar Sayar Da Shayi Duk Da Cewa Ni Kansila Ne - Dayyabu Lawal Bala
please wait

No media source currently available

0:00 0:03:52 0:00
Karin bayani akan Rahotannin Taskar VOA

Bikin Lasar Gishiri

Yadda Aka Yi Bikin Lasar Gishiri A Jamhuriyar Nijar
please wait

No media source currently available

0:00 0:03:32 0:00
Karin bayani akan Rahotannin Taskar VOA
XS
SM
MD
LG