WHO ta ce an samu karuwar wadanda suka kamu da COVID-19 har ninki uku tsakanin matasa cikin watanni 5 da suka gabata, inda ta dora laifin hauhawar akan rashin kiyaye ka’idar ba da tazara.
Ta kuma kara da cewa, kaso 15% na alkaluman masu cutar miliyan 6 sun harbu ne tsakanin watan Fabrairu zuwa tsakiyar watan Yuli, kuma ya kasance tsakanin masu shekaru 15 zuwa 24.
Kafin karshen watan Fabrairu, alkaluman sun kai kaso 4.5%
A cewar Darektan hukumar lafiya ta duniya WHO, Tedros Adhanom Gheberyesus, “mun sha fada kuma za mu sake fadi cewa, matasa ba su tsira daga cutar ba, matasa za su iya harbuwa; matasa za su iya mutuwa kana za su iya yada wa wasu cutar.”
Ya zuwa yanzu akalla mutum miliyan 18.5 ke fama da cutar a duk fadin duniya a cewar Jami'ar John Hopkins.
Facebook Forum