Accessibility links

Labari da Dumi-Duminsa

Adamawa Ta Ayyana Kwana 3 Domin Zaman Makokin Bachama


Marigayi Hama Bachama
Marigayi Hama Bachama

Gwamnan jihar Adamawa Ahmadu Fintiri ya ayyana kwana 3 domin zaman makokin Hama Bachama, Honest Stepen, basaraken masarautar Bachama da ke jihar.

Gwamnan ya bayar da wannan umurnin ne a cikin wata sanarwar da sakatarensa kan yada labarai Humwashi Wonosikou ya fitar a Yola.

A cewar sanarwar "za a sassauta dukannin tutoci a jihar daga ranar 29 na wannan watan zuwa 1 ga watan Yuli."

Garin Bachama a jihar Adamawa
Garin Bachama a jihar Adamawa

Hama Bachama mai shekaru 66, ya rasu ne a safiyar Lahadi a garin Numan bayan yayi fama da wani rashin lafiya.

Ya hau karagar mulki ne tun a shekarar 2012, kuma shi ne sarkin Bachama na 28.

An yi jana'izar marigayi Bachama a daren 28 ga watan Yuni a garin Lamurde da ke masarautar Bachama.

Facebook Forum

XS
SM
MD
LG