Accessibility links

Labari da Dumi-Duminsa

Amurka Zata Bar Dakarunta A Afghanistan Har Zuwa Badi


Shugaban Amurka Barack Obama yayinda yake magana akan Afghanistan
Shugaban Amurka Barack Obama yayinda yake magana akan Afghanistan

A wata sanarwar bazata shugaban Amurka Barack Obama ya shidawa duniya ba zai janye dakarun kasarsa ba daga Afghanistan kamar yadda ya yi alkawarin tun kafin ma ya kama mulki

Shugaban Amurka Barack Obama yana shirin kyale sojojin Amurka dubu 8,400 a Afghanistan har zuwa karshen wa'adin mulkinsa, matakin da ya bar ayoyin tambaya kan mafita daga rikicin na Afghanistan, yayinda harkokin tsaro suke kara tabarbarewa a kasar, kamar yadda kwararru suka yi la'akari.

Sojojin Amurka suna binciken wurin da aka kai hari a Kabul babban birnin Afghanistan
Sojojin Amurka suna binciken wurin da aka kai hari a Kabul babban birnin Afghanistan

Tun farko gwamnatin Obama ta shirya zata rage karfin sojojin Amurka a kasar daga dubu 9,800 dake can ahain yanzu zuwa, dubu 5,500 a karshen wannan shekarar.

Amma shugaban na Amurka jiya Laraba ya bada sanarwar cewa, halin da ake ciki a Afghanistan "bashi da tabbas" saboda haka zai kyale sojoji fiyeda abunda aka tsara tun farko har zuwa 20 ga watan Janairu na badi lokacinda zai sauka daga kan karagar mulki.

XS
SM
MD
LG