Accessibility links

Labari da Dumi-Duminsa

An Cika Shekaru 400 Da Isar Jirgin Bayi Amurka Daga Afirka


Yau shekaru 400 da isowar jirgin ruwa na farko Amurka dauke da bayi daga Afirka, Shugabar Majalisar Wakilan Amurka Nancy Pelosi, ta yi tir da abin da ta kira “matukar mugunta” ta bautar da dan adam a wani jawabin da ta yi jiya Laraba a Majalisar Dokokin Tarayyar Ghana.

A cewar rahoton da Stacey Knott ta hada daga birnin Accra, bayan da Pelosi, wacce ita ce Shugabar Majalisar Wakilan Amurka ta farko mace, ta iso Ghana ranar Lahadi da tawagar wacce ta hada da ‘yan kungiyar majalisar dokokin tarayyar Amurka Bakaken Fata, da ita da sauran ‘yan Majalisar dokokin tarayyar Amurka sun ziyarci Elmina Castleand inda su ka dubi kofar bayin da ake ma lakabi da mashigar da ba a dawowa da ke ginin zangon bayi da ake kira Cape Coast Castle da Turance, inda duka biyun wuraren jibge bayi ne, gabanin jigilarsu daure da sarkoki a jirgin ruwa zuwa wasu kasashe.

Pelosi, wacce ta zauna ganga da Mike Oquaye, Kakakin Majalisar Wakilian Ghana, ita ce shugabar Majalisar Amurka ta farko da ta yi da ta yi jawabi ga majalisar wakilan Ghana. Ta gaya ma ‘yan Majalisar Ghana cewa musabbabin ziyararta da tawagarta shi ne amsa cewa abin da ya faru a baya ya faru, tare kuma da hangen gaba.

Ta ce "tawagarmu ta saduda da abubuwan da ta gani a wannan satin. A rukunin ginin Elmina, mun ga wurin dakunan bayi, inda aka yi ta gana azabar rashin imani ga dubban bayi. A rukunin ginin Cape Coast Castle, mun tsaya gaban mashigar da ba a dawowa, inda miliyoyin mutane su ka yi bankwana ta karshe da Afirka gabanin a yi jigilarsu zuwa rayuwar bauta. Zuwan mu nan ya yi matukar canza tunanin kowannenmu -kai, ko da ma ka taba zuwa nan.”

Facebook Forum

Zauren VOA Hausa #EndSARS

Zauren VOA Hausa #EndSARS Kashi na Biyu 03
please wait

No media source currently available

0:00 0:18:31 0:00
Karin bayani akan #ENDSARS: Zanga Zangar Kyamar Gallazawa Al’umma Da Yan Sanda Ke Yi

Rayuwar Birni

Rayuwar Birni: Hira da Aliyu Danlami mai sayar da furanni a Abuja
please wait

No media source currently available

0:00 0:04:49 0:00
XS
SM
MD
LG