Accessibility links

Labari da Dumi-Duminsa

An Dakatar Da Tattaunawar Amurka Da Taliban Na Gajeren Lokaci


Shugabannin Taliban

A jiya Jumu’a ne wakilan Amurka da na kungiyar Taliban ta Afghanistan suka baiwa kansu wani dan gajeren hutu daga doguwar tattaunawar babu kakkautawa.

Bangarorin biyu sun kwahse kwannaki 11 suna gudanarwa da wannan doguwar tattaunawa ne a kasar Qatar, inda suke kokarin neman hanyar kawo karshen yakin da suka share shekaru 18 suna gwabzawa da juna a can Afghanistan.

Sai dai kuma wani babban hafsan sojan Amurka ya bayyana cewa sun ci karo da abin da ya kira “wasu ‘yan matsaloli” a lokacin tattaunawar tasu.

Tun daga ran 25 ga watan Fabrariu sassan biyu suka soma wannan tattaunawar a birnin Doha.

Wani jigon Taliban yace a yau Asabar suke dawowa don su ci gaba da taron nasu, inda manzon Amurka na musamman kan samarwa Afghanistan zaman lafiya, Zalmay Khalilzad, yake jagorancin wakilan Amurka.

Facebook Forum

XS
SM
MD
LG