Accessibility links

An Fadakar Da Manoma Game Da Aikin Yashe Madatsun Ruwa a Jihohin Kano da Jagawa


An kammala taron fadakar da manoma game da aikin yashe madatsu da magudanan ruwa a jihohin Kano da Jigawa da kuma wasu sassa na jihar Bauchi, wadanda ke karkarkashin kulawar hukumar kula da koramun Hadejia da Jama’are mai hedikwata a Kano.

Bankin Duniya bisa hadin gwiwa da gwamnatin tarayyar Najeriya ta hannun ma’aikatar ruwa ta tarayya ne zasu gudanar da aikin a wani mataki na magance matsalolin da ke dakile bunkasar ayyukan Noma, musamman ma lokutan rani.

Babban jami’i a ma’aikatar ruwa ta tarayya Injiniya Mohammad Sani Bala, ya ce makasudin wannan taro dai shine kokarin fadakar da manoma da hukumomi kan aikin da gwamnatin tarayya ke yi na Triming a jihohin Kano da Jigawa, inda ake kokari sanar da manoma cewa ana dab da fara gyara-gyaran fadamu da koguna da kuma kayayyakin noman rani a jihohin.

‘karkashin shirin yashe madatsu da magudanan ruwan na karkashin tafkin Hadejia da Jama’are, an tsara bada tallafi ga manoma da aikin zai shafi gonakinsu. Injiniya Nasiru El-Mansur, na hukumar kula da koramin Hadejia da Jama’are, ya ce ya zama dole idan aka zo gudanar da aikin za a rufe ruwa a shiya-shiya, wanda hakan zai dakatar da aikin noma ga wasu manoma, kuma za a basu wani tallafi da zai taimaka musu.

Malama Aisha Isma’il, dake zaman babban jami’ar karbar korafe-korafen manoma ta shirin aikin yashe madatsun da ake yiwa lakabi da Triming ta ce sun sami sukunin warware korafe-korafe kimanin dubu goma tun farkon bude ofishin na ta a watan Janairun wannan shekara.

Domin karin bayani saurari rahotan Mahmud Ibrahim Kwari.

Facebook Forum

XS
SM
MD
LG