Accessibility links

Labari da Dumi-Duminsa

An Gano Wani Wakilin VOA Hausa Na Boge a Jihar Kebbi


Muhammad Tukur Usman

Sashen Hausa na muryar Amurka ya gano wani mutum mai suna Muhammad Tukur Usman Wanda ke zaune a garin Yawuri na jihar Kebbi Wanda ke ikirarin yana aikawa sashen Hausa na Muryar Amurka rahotanni, amma yaudara ce kawai.

Asirin Muhammad Tukur wanda ake ake kira "Mallam Ango" ya tonu ne lokacin da yake shirin yaudarar wata kungiya mai zaman kanta wadda ke aikin kyautata rayuwar mata da kananan yara a jihar Kebbi, lokacin da su ka je gudanar da taruka a garin Yawuri.

Daya daga cikin shugabannin kungiyar da Sashen Hausa ya yi hira da ita, wadda ta nemi a saya sunanta ta ce, lokacin da suka isa garin suka nemi a hada su da manema labarai domin su dauki rahotannin ayyukan da za su gudanar domin a yayata, shine aka shaida masu cewa, akwai wani wakilin Sashen Hausa na Muryar Amurka aka kuma kira shi ya je wurin.

Shugabannin wannan kungiya sun fara tunanin akwai matsala ne bayanda wakilin bogen ya bayyana masu hanyar da zasu iya sauraron rahoton nasu da kuma dalilansa na neman kudi daga gare su. Wannan ya sa suka nemi ganin shaidar shi wakilin Muryar Amurka ne, suka kuma tuntubi wakilin Sashen Hausa da ke garin Sokoto domin neman tantance sahihancin bayanin wakilin boge.

A cikin hirarsu da wakilin Sashen Hausa na muryar Amurka na jihar Kebbi Muhammad Nasir bayan samun bayanin wannan mutumen da ya zanta dashi ta wayar salula, wakilin bogen ya nemi a biya shi naira dubu hamsin kafin ya aika rahoton, bayan sun yi ciniki ya amince a biya shi naira dubu arba’in ya kuma turawa wakilin Sashen Hausa lambar bankin da za a tura mashi kudin.

Saurari cikakken rahoton Muhammad Nasir cikin sauti.

please wait

No media source currently available

0:00 0:03:15 0:00


  • 16x9 Image

    Grace Alheri Abdu

    Grace Alheri Abdu  babbar Edita ce (Managing Editor) a Sashen Hausa na Muryar Amurka wadda ta shafe sama da shekaru 30 tana aikin jarida. Tana da digiri na biyu a fannin dokoki da huldar diplomasiyar kasa da kasa, da kuma digiri na biyu a fannin nazarin addinan al'adun gargadiya na kasashen Afrika.

Facebook Forum

Wani Sirri Da Tsohon Shugaban Nijar Mahamadou Issoufou Ya Fadawa ‘Sarki Sanusi II’
please wait

No media source currently available

0:00 0:02:23 0:00
Karin bayani akan Bidiyo
XS
SM
MD
LG