Accessibility links

Labari da Dumi-Duminsa

An hana bisne dan bindigar kasar Faransa mai tsattsauran ra'ayin addini a kasarsa ta ainihi, Aljeriya


Mohammed Merah kenan lokacin ya na raye.

Hukumomin kasar Algeria sun hana iyalan Ba-faranshen Dan

Hukumomin kasar Algeria sun hana iyalan Ba-faranshen Dan bindigar nan da ake zargi da laifin kashe mutane bakwai, da a binne gawarsa a hubbaren asalin iyalinsa dake Algeria.

Yau Alhamis naka ji wani babban jagoran Musulmi a Faransa,Imam Abdallah Zekri na cewa hukumomin Algeria sun ki amincewa da bukatar da iyalan Mohammed Merah suka gabatar ta neman iznin binne gawar danuwansu a makabartar iyalinsa dake Algeria, amma saboda dalili na tsaro.

Yace yanzu an shirya binne Merah a wata makabartar Musulmin dake birnin Toulouse kasar Faransa a yau Alhamis.

Tun a farkon wannan watan aka kashe Merah da ruwan harsasai, bayan ya ja daga da 'yan sanda na tsawon sama da sa'o'i 30 a gidan da ya ke haya a Toulouse.

Dan bindigar wanda hukumomi su ka ce ya yi ikirarin alaka da al-Qaeda ya amsa cewa ya kashe sojoji uku, da wasu yara 'yan makarantar Yahudawa su uku da kuma wani shugaban addinin Yahudawa.

Shin PI Za Ta Fashe Kuwa Ko Yaudara Ce Kawai?

Karin bayani akan Bidiyo
XS
SM
MD
LG