Rundunar ‘Yan sanda ta jihar Bauchi ta tabbatar da an kashe akalla mutane 11 sakamakon wani yunkurin fashin da aka so yi kan wani banki cikin daren jiya a garin Tafawa Balewa.
Kwamishinan ‘Yansanda na jihar Ikechukcwu Aduba ne ya tabbatar da haka, a wani taron manema labarai.yace tuni rundunar ta damke mutane shida dangane da wan nan yukurin fashin.
Ahalinda ake ciki kuma, wasu nakiyoyi sun tashi a cikin wasu majami'u cikin birnin Bauchi. Sabo da karfin fashewar da farko mutane sun aza bama-bamai ne. Amma 'Yan Sanda sun hakikance cewa irin nakiyoyin da ake fasa duwatsu dasu ne suka tashi a coci-cocin.
Fshe fashen da suka auku da misalin karfe 3 na asubahin lahadi sun huda rufin kan dakin ginin cocin da lalata tagoginsu.
Saurari:
