Accessibility links

Labari da Dumi-Duminsa

An Kashe Mutane Akalla 70 A Arewacin Najeriya


Wadanda suka ji rauni da kuma gawarwaki lokacin tashin wani bam a garin Kaduna, a ranar alhamis 26 Afrilu, 2012.

Jami'ai sun ce mutanen da suka mutu cikin kwanaki ukun da suka shige a Kaduna da Damaturu da Zariya ya zarce saba'in

An kashe mutane akalla saba’in cikin kwanaki ukun da suka shige a wasu garuruwa biyu na Najeriya, a tashe-tashen hankulan da suka biyo bayan hari kan wasu majami’u.

Hare-haren bam na kunar-bakin wake kan majami’u a garuruwan Kaduna da Zariya sun kashe mutane fiye da 20, suka haddasa hare-haren ramuwar gayya na gungu-gungun Kiristoci. Jami’ai sun ce an kashe mutane 52, yayin da wasu fiye da 100 suka ji rauni a wannan tashin hankali a Jihar Kaduna.

A ranar litinin, tashin hankali ya kuma barke a garin Damaturu, inda aka samu rahoton kashe mutane fiye da 20. Shaidu sun ce ‘ya’yan kungiyar Boko Haram sun kai hare-hare da bindigogi a wurare da dama na garin. ‘Yan sanda sun fadawa Muryar Amurka jiya talata cewa an kashe jami’an tsaro akalla uku a wannan lamarin.

Jami’ai a Jihar Kaduna sun ce mutane sun bazu kan tituna jiya talata su na zanga-zanga da kone-kone. Kwamishinan yada labarai na Jihar Kaduna, Saidu Adamu, ya fadawa Muryar Amurka cewa hukumomi su na dora laifin wannan fitina a kan Kiristoci da Musulmi.

Wannan tashin hankali ya sa hukumomi a Damaturu da Kaduna sun kafa dokokin hana fita na duk tsawon rana da dare.

Tashin hankali ya karu cikin ‘yan makonnin nan a arewacin Najeriya, abinda ya haddasa fargabar barkewar mummunar fitinar bambancin addini a fadin yankin.

Dubi ra’ayoyi (5)

An rufe wannan dandalin

Dalilin Da Ya Sa Nake Sana’ar Sayar Da Shayi Duk Da Cewa Ni Kansila Ne

Dalilin Da Ya Sa Nake Sana’ar Sayar Da Shayi Duk Da Cewa Ni Kansila Ne - Dayyabu Lawal Bala
please wait

No media source currently available

0:00 0:03:52 0:00
Karin bayani akan Rahotannin Taskar VOA

Bikin Lasar Gishiri

Yadda Aka Yi Bikin Lasar Gishiri A Jamhuriyar Nijar
please wait

No media source currently available

0:00 0:03:32 0:00
Karin bayani akan Rahotannin Taskar VOA
XS
SM
MD
LG