Accessibility links

Labari da Dumi-Duminsa

An Yi Kashedi Ga Kamfanonin Sadarwa A Nijar Da Kada Su Yanke Internet


An gargadi kamfanonin wayar sadarwa a jamhuriyar Nijar, da kada su yanke wa jama'a damar amfani da yanar gizo a bisa dalilin da ba su ne su ka yi sanadi ba.

Kungiyoyin kare hakkin bil-adama da na kare masu saida kayan masarufi a jamhuriyar Nijar, sun gargadi kamfanonin sadarwa na wayoyi tare da yin kira ga gwamnatin kasar, da kada su zare wa mutane kudi ko data ta waya, ko da lokacin da suka dauka na kwanaki ko wata na anfani da data ta internet ya kare, kasancewar ba laifin su ba ne, na datse yanar gizon.

A daidai lokacin a ke cigaba da fuskantar yankewar yanar gizo a jamhuriyar Nijar, biyo bayan zanga-zanga da suka wakana a Yamai, babban birnin kasar don nuna rashin amincewa da sakamakon zabe zagaye na 2 na shugaban kasa.

Da yawan 'yan Nijar, sun soma kira ga gwamnati domin ta san cewa nauyi ya rataya a wuyarta, na biyan kamfanonin wayoyi diyya, don kuwa rashin bai wa jama'a damar samun yanar gizo, bayan sun biya kudinsu, ba abu ne da ya kamata a cire musu kudi ba, lokacin da aka diba na karewar intanet din mutane ya kamata a kara shi, tunda gwamnati ta sa aka katse yanar gizon.

Abdullahi Kado, shugaba na kasa a kungiyar kare hakkin bil'adama, 'yanci da walwala, ya ce, jama'ar kasar na cigaba da nuna bacin ransu game da wannan halin da a ke ciki, tare da kira ga kamfanonin waya da kar su yanke musu internet, koda sun kai wa'adin karewar layin nasu, tunda ba laifinsu ba ne ya sa a ka yanke, kuma ba su yi anfani da internet din ba a tsawon wannan lokacin.

Wannan lamarin na datse yanar gizo, ya sa masu anfani da ita don karatu, sana'a ko aiki, jikinsu ya mutu, kuma sun fada rayuwar duhu ta can shekarun baya, ba labarun halin da duniya take ciki.

Ga mai bukatar sauraron rahoton Harouna Mamane Bako cikin sauti, ga shi.

please wait

No media source currently available

0:00 0:04:09 0:00

  • 16x9 Image

    Yusuf Harande

    Yusuf Aliyu Harande, dan jarida da ke aiki da Sashen Hausa na Muryar Amurka (VOA). Yana da kwarewa a fannoni da dama, da suka hada da shafukan yanar gizo, talabijin, bincike, rubutu da hotuna. Dan asalin kauyen Hiliya ne daga karamar Hukumar Tambuwar a jihar Sakkwato.

Sauyin yanayi : Yankin Sahel na Afrika

Yadda Sauyin Yanayi Ke Rura Wutar Rikici A Yankin Sahel
please wait

No media source currently available

0:00 0:12:44 0:00
Karin bayani akan Rahotannin Taskar VOA

Nijar, Fulani, Wodaabe

Yadda Funalin Wodaabe Suka Gudanar Da Gasar Nuna Kyau A Nijar
please wait

No media source currently available

0:00 0:02:22 0:00
Karin bayani akan Rahotannin Taskar VOA

Gobara A Jihar New York

An Yi Jana'izar Mutane 15 Da Suka Mutu A Gobara A Jihar New York
please wait

No media source currently available

0:00 0:03:00 0:00
Karin bayani akan Bidiyo
XS
SM
MD
LG