Accessibility links

Labari da Dumi-Duminsa

Ana Shirin Yin Muhawarar Karshe a Shari'ar Tsige Trump


Laura David Schoen, da ke kare Donald Trump

Ana sa ran a ranar Asabar, sanatoci a majalisar dattawan Amurka za su saurari muhawarar karshe kan shari’ar tsige tsohon shugaba Donald Trump.

Hakan ya biyo bayan kammala gabatar da hujjojinsu da lauyoyin Trump suka yi a ranar Juma’a, inda suka musanta cewa shi ya tunzura maharan da suka far wa ginin majalisar dokokin kasar.

Lauyoyin har ila yau sun ce shari’ar bi-ta-da-kullin siyasa ne.

Lauyoyin tsohon shugaban sun kwashe sa’a uku a ranar Juma’a suna kare shi, maimakon sa’a 16 da aka ba su.

Har Ila yau, sun fadawa sanatoci cewa tsohon shugaban na da ‘yancin ya kalaubalanci kayen da ya sha a hannun shugaba Joe Biden, suna masu cewa, jawabin da ya yi na minti 70 gabanin mamayar da aka yi wa majalisar dokokin a ranar 6 ga watan Janairu, bai ci a ce ya tunzura jama’a ba.

Tun a farko-farkon sauraren wannan shari’a a, ‘yan Demmocrat suka gabatar da hujjojin da suke nuni da cewa Trump ne ya tunzura masu boren.

Dubi ra’ayoyi

Arewa A Yau

Arewa A Yau
please wait
Embed

No media source currently available

0:00 0:00:47 0:00
XS
SM
MD
LG