Accessibility links

Ana Zargin Kakakin Majalisar Dokokin Indonesia Da Aikata Almundahana


Ana zargin Kakakin Majalisar Dokokin kasar Indonesiya da kasancewa da hannu a wata tabargazar almundahana ta miliyoyin daloli na shirin katin shaidar zama dan kasa na lataroni.

Shugaban hukumar yaki da almundahana ta kasa, Agus Rahardjo, ya fadi jiya Litini cewa akwai isasshiyar shaidar da ke nuna cewa Kakakin Majalisa Setya Novanto na da hannu a wata almundahana ta sace dala miliyan 170 tsakanin 2011 da 2012, wanda kusan daya bisa ukun dala miliyan 440 da aka ware ma shirin kenan.

A cewar Rahardjo, Novanto, wanda shi ne kuma Ciyaman din jam'iyyar Golkar, ya yi amfani da matsayinsa wajen arzuta kansa da wasu mutane.

Amma a wani taron manema labarai da ya kira yau Talata, Novanto ya karyata zargin.

Akwai wasu jami'an gwamnatin Idonesiya ma da ake zargi da kasancewa da hannu a wannan tabargazar, ciki har da Ministan Shari'a da kuma tsohon Ministan Cikin Gida

Facebook Forum

XS
SM
MD
LG