Accessibility links

Labari da Dumi-Duminsa

Angel Di Maria Ya Sabunta Kwatiraginsa Da PSG


Dan wasan PSG, Angel Di Maria

Dan wasan kungiyar Paris Saint-Germain (PSG,) Angel Di Maria ya tsawaita kwantiraginsa da kungiyar har zuwa kakar wasa ta 2022.

Dan shekara 33, Di Maria ya bugawa PSG wasa 248 ya kuma zura kwallaye 87, tun bayan da ya koma kungiyar wacce take Faransa daga Manchester United a shekarar 2015.

“Paris Saint-Germain na farin cikin sanar da cewa Angel Di Maria ya rattaba hannu kan tsawaita kwatiraginsa da shekara daya, tare da zabin karin wata shekara.” Wata sanarwa ta PSG ta ce.

A tarihin kungiyar, dan wasa Safet Susic (1982-91) ne kadai ya fi Di Maria yawan taimakawa wajen zura kwallo wanda ya tallafa wajen cin kwallaye 103.

“Ina fatan zan yi fice a tarihin kungiyar.” Shafin PSG na Twitter ya ruwaito Di Maria yana fada.

Shi dai Di Maria ya lashe kofuna 16 da kungiyar ta PSG da suka hada da nasarori a shekarun 2016, 2018, 2019 da kuma 2020.

Ya shiga wasan da suka yi da Barcelona a matsayin dan wasan canji a wasan zakarun nahiyar turai da suka yi a ranar Laraba.

Ita dai kungiyar PSG tana matsayi na biyu a teburin gasar Faransa ta Ligue 1, wato tana bayan Lille da maki biyu kamar yadda shafin wasannin na Sky Sports ya bayyana.

Dubi ra’ayoyi

Diego Maradona 1960-2020
please wait

No media source currently available

0:00 0:01:07 0:00
Karin bayani akan Diego Maradona
XS
SM
MD
LG