Accessibility links

Antoni Janar Na Amurka Jeff Sessions Na Shirin Bayyana a Gaban Kwamitin Majalisa


Jeff Sessions Antoni Janar na Amurka

A ci gaba da binciken kutsen da ake zargin Rasha da yi a zaben Amurka na shekarar da ta gabata da kuma tsige shugaban hukumar FBI, yau Antoni Janar na Amurka Jeff Sessions zai bayyana gaban kwamitin bincike na Majalisar Dattawan kasar domin amsa tambayoyi.

A yau ne ake sa ran shugaban ma’aikatar shara’a na Amurka kuma attorney Janar, Jeff Sessions zai bayyana a gaban ‘yan Majalisar Dattawan Amurka kan rawar da ya taka a binciken da ake gudanarwa kan shisshisgin Rasha a harkar zaben shugaban kasar Amurka da aka yi bara.

Haka kuma ana sa ran zai sha tambayoyi kan ko yana da hannu a korar shugaban hukumar binciken FBI da aka yi James Comey.

Zaman da kwamitin binciken sirri na majalissar dokokin zai yi yau shine mataki na baya-baya akan bincike-binciken da ake yi game da katsalandan din Rasha a zaben shugaban kasa da aka yi shekarar da ta gabata.

Sessions ya janye jikinsa daga binciken hukumar FBI a watan Maris bayan da ya fadi cewa ya gana da Jakadan Rasha Sergei Kislyak har sau biyu ‘yan watanni kafin zaben da aka yi a watan Nuwamba.

Wannan ya sabawa da bayanin da ya bayar lokacin da ake kokarin tabbatar da shi akan mukamin na shi a watan Janairun wannan shekara, lokacin da ya ce bai taba saduwa da kowane irin jami’i na Rasha ba.

Facebook Forum

XS
SM
MD
LG