WASHINGTON DC —
Da misalin karfe bakwai da rabi na daren jiya Lahadi aka sake samun tashin tagwayen bamabamai cikin birnin Maiduguri fadar gwamnatin jihar Borno.
Bamabaman sun hallaka mutane tare da raunata wasu da dama. Bamabaman sun tashi ne a wurare hudu daidai lokacin da ake gudanar da sallar isha.
Bamabamai biyun da ya tashi a wani masallaci ya hallaka wasu da dama.
Hakazalika bam na uku ya tashi ne a wani wuri da ake cajin waya da inda yara ke wasan bidiyo.
Bam na hudu ya tashi ne a anguwar atilari inda mata ke toye-toye irin na dare.
Kawo yanzu ba'a iya tantace adadin wadanda suka rasa rayukansu ba tare da wadanda suka jikata.
Ga rahoton Ibrahim Abdulaziz.
