Accessibility links

Labari da Dumi-Duminsa

Bayern Munich Ta Lashe Gasar Zakarun Turai


Bayern Munich

Bayern ta lashe gasar zakarun turai karo na 6, a wasan karshe ta gasar karo na 11 da take bugawa. PSG ta buga wasan na karshe ne karo na farko a tarihi.

Kungiyar kwallon kafar Bayern Munic ta kasar Jamus ta lashe gasar zakarun Turai ta bana, bayan da ta doke PSG ta kasar Faransa da ci 1-0 a wasan karshe ta gasar da aka buga a Lisbon.

Wannan ya jaddada nasarar Bayern din a wannan kakar wasannin na lashe gasar karo na 6 a tarihi, bayan da kuma ta lashe babbar gasar Bundesliga ta kasar Jamus da kuma kofin kalubalen ka na Jamus.

Bayren Munich ta lashe gasar Zakarun Turai
Bayren Munich ta lashe gasar Zakarun Turai

Wasan na karshe yayi zafin gaske, inda kungiyoyin 2 suka yi ta kai wa juna farmaki, inda daga karshe dan wasan Bayern din Kingsley Coman ya sami zura kwallon da ka a minti na 59 na wasan, wanda ya baiwa kungiyar nasara.

Bayren Munich ta lashe gasar Zakarun Turai
Bayren Munich ta lashe gasar Zakarun Turai

PSG ko ta yi ta yunkuri tare da kai farmaki, inda kiris ya rage ‘yan wasanta 3; Neymar, Kylian Mbappe da Angel Di Maria su zura kwallon a lokuta daban-daban, to amma kuma haka ba ta cimma ruwa ba.

Facebook Forum

XS
SM
MD
LG