Accessibility links

Labari da Dumi-Duminsa

Buhari Ya Yi Allurar Riga-kafin Coronavirus


Muhammadu Buhari
Muhammadu Buhari

Shugaban Najeriya Muhammadu Buhari tare da mataimakinsa Yemi Osinbajo sun karbi alluran farko na riga-kafin coronavirus na kamfanin AstraZeneca.

Shugaba Buhari da Mataimakinsa Osinbajo sun sami riga-kafin wanda aka nun kai-tsaye a talbijin, kwana guda bayan fara shirin riga-kafin COVID-19 na kasa da aka fara yi wa ma’aikatan kiwon lafiya da ma’aikatan babban Asibitin Kasa da ke Abuja.

Buhari certification
Buhari certification

Bayan da aka masa allurarsa ta farko, shugaba Buhari ya ce “Na karbi allurata ta farko kuma ina so na yaba wa duk ‘yan Najeriya da suka cancanta, su yi hakan domin a kare mu daga kwayar cutar,” kamar yadda wata sanarwa daga fadar ta bayyana.

Karin bayani akan: AstraZeneca, COVID-19, Coronavirus, Buhari​, Nigeria, da Najeriya.

Shugaba Buhari ya bukaci dukkan gwamnatocin jihohi da shugabannin gargajiya da kuma shugabannin addinai, da su kasance masu jagoranci a kokarin hada kan yankunansu domin wayar da kan al’umma.

Ya kuma ba da tabbacin cewa alluran AstraZeneca wadda Najeriya ta samu, za su rika zuwa ne rukuni-rukuni farawa da alluran miliyan hudu da aka riga aka karba.

Haka kuma shugaban ya ce tsarin karba da yi wa ‘yan Najeriya alluran daga wannan shekarar ta 2021 zuwa 2022, zai tabbatar da an yi wa sama da kashi 70 na mutanen Najeriya.

A farkon makon nan Najeriya ta fara karbar rukunin alluranta karkashin shirin COVAX da ke tabbatar da raba daidai ga kasashen duniya da zimmar ganin ba a bar kasashe masu tasowa a baya ba.

XS
SM
MD
LG