Accessibility links

Labari da Dumi-Duminsa

Daraktar Sadarwar Shugaba Trump Ta Yi Murabus


Hope Hicks daraktar sadarwar Fadar White House wadda ta sanar da yin murabus daga aikinta

Kwanamdaya kacal bayan ta kwashe sa'o'i tara ta na ba da shaida a gaban kwamitin majalisar dokokin Amurka dake binciken zargin katsalandan da aka ce Rasha ta yi a zaben 2016, ta sanarda da ajiye aikinta a Fadar White House

Darektar harkokin sadarwa ta Fadar White House Hope Hicks, daya daga cikin amintattun hadiman shugaba Trump tun kafin a zabe shi ta ajiye aiki.

Trump ya fada a wata sanarwa jiya cewa, “Hope tayi fice, ta gudanar da ayyukanta da kyau cikin shekaru uku da suka shige. Tana da basira da hangen nesa, zan yi rashinta matuka. Ta tuntubeni cewa tana so ta maida hankalinta a kan wadansu ayyuka daban, na kuma fahimci haka. Na hakikanta cewa zamu sake yin aiki tare nan gaba”.

Hicks ‘yar shekaru ishirin da tara, wadda ta kasance darektar harkokin sadarwar mafi kuruciya a tarihin Fadar White House, taki amsa tambayoyin da kwamitin tattara bayanan sirri ya yi mata ranar Talata, a zaman da kwamitin ya gudanar a kadaice.

Hicks ta shaidawa kwamitin cewa, wani lokaci akan bukaceta ta danne gaskiya. Sai dai tace bata taba yin karya dangane da abinda ya shafi binciken katsalandan da ake zargin Rasha da aikatawa a zaben shugaban kasa na shekaraR 2016 ba, da dan takar jam’iyyar Republican Trump ya doke abokiyar takararsa ta jam’iyyar Democrat Hillary Clinton.

Facebook Forum

Bidiyo

Yadda Wani Mutum Ya Mari Shugaban Faransa Emmanuel Macron
please wait

No media source currently available

0:00 0:00:37 0:00
Karin bayani akan Bidiyo
XS
SM
MD
LG