Accessibility links

Labari da Dumi-Duminsa

Donald Trump Ya Rattaba Hannu Kan Dokar Goyon Bayan Masu Zanga-zanga A Hong Kong


Shugaban Amurka Donald Trump ya rattaba hannun amincewa da kudurorin doka 2 da ke goyon bayan masu zanga-zangar tabbatar da dimokaradiyya a Hong Kong, duk kuwa da kawancen kasuwanci da ke tsakaninsu da Beijing.

Majalisar dattawa da ta wakilai duk sun amince da kudurorin da kusan murya daya a makon da ya gabata.

Daya dokar ta yi tanadin cewa ma’aikatar harakokin wajen Amurka ta tabbatar kowace shekara, China tana baiwa Hong Kong cikakken ‘yancin cin gashin kai, domin ba ta damar shata yanayin kasuwanci da ya dace da ita. Dokar ta yi baranar kakaba takunkumi ga jami’an China da suka yi kunnen kashi.

Doka ta 2 kuma ta yi haramcin fitar da hayaki mai sa hawaye da barkonon tsohuwa da albarusan roba, da kuma kananan makamai zuwa ga ‘yan sandan Hong Kong.

Beijing ta yi barazanar daukar matakan ramuwa muddin Trump ya sanya hannu ga dokokin, tana mai cewa Amurka na yin shisshigi a lamurran cikin gida na kasar ta China.

China ta yi gargadin cewa sakamakon haka kuma ba zai haifar da da mai ido ba.

To sai dai kuma da yake bayani a kafar talabijin ta Fox News, Trump ya bayyana shugaban China Xi Jinping a matsayin abokinsa, kuma mutumin kirki.

Ya kara da cewa ya rattaba hannu a kan dokokin cikin girmamawa ga shugaban na China Xi Jinping, kuma suna da manufar ganin cewa shugabanni da wakilan jama’a a China da Hong Kong, za su sasanta tankiyar su cikin ruwan sanyi, wanda zai kai ga samun dauwamammen zaman lafiya da kwanciyar hankali.

  • 16x9 Image

    Grace Alheri Abdu

    Grace Alheri Abdu  babbar Edita ce (Managing Editor) a Sashen Hausa na Muryar Amurka wadda ta shafe sama da shekaru 30 tana aikin jarida. Tana da digiri na biyu a fannin dokoki da huldar diplomasiyar kasa da kasa, da kuma digiri na biyu a fannin nazarin addinan al'adun gargadiya na kasashen Afrika.

Facebook Forum

Sojojin Najeriya sun samu nasarar kwace bindigogi sama da 500

Karin bayani akan Rahotannin Taskar VOA

Shugaban NDLEA a Najeriya, Janar Buba Marwa

Dalilin Da Ya Sa Muke Bin Diddigin Dukiyar DCP Abba Kyari - Buba Marwa
please wait

No media source currently available

0:00 0:02:34 0:00
Karin bayani akan Rahotannin Taskar VOA

Yadda Rikicin ‘Yan Aware A Yankin Kamaru Ya Shafi Wasu Al’ummoni A Najeriya

Yadda Rikicin ‘Yan Aware A Yankin Kamaru Ya Shafi Wasu Al’ummoni A Najeriya
please wait

No media source currently available

0:00 0:04:19 0:00
Karin bayani akan Bidiyo

Gwamna Matawalle

Dalilan Da Suka Sa Muka Sayi Motoci Ga Sarakuna A Zamfara - Gwamna Matawalle
please wait

No media source currently available

0:00 0:04:35 0:00
Karin bayani akan Bidiyo
XS
SM
MD
LG