Accessibility links

Labari da Dumi-Duminsa

DSS Ta Saki Salihu Tanko Yakasai


Salihu Tanko-Yakasai (Hoto: Shafin Twitter na Salisu Tanko Yakasai).

Hukumar tsaron farin kaya ta DSS a Najeriya, ta saki tsohon mai bai wa gwamnan Kano shawara kan sha’anin kafafen sada zumunta, Salihu Tanko Yakasai.

Dan uwan Salihu, Abdullahi Tanko Yakasai ne ya sanar da sakin nasa a shafinsa na Twitter.

“Alhamdulillahi, an saki dan uwana @dawisu. Muna godiya ga kowa da kowa.” Abdullahi ya rubuta.

A karshen makon da ya gabata hukumar ta DSS ta kama Yakasai bayan wasu wallafe-wallafe da ya yi a shafin Twitter yana sukar lamirin gwamnatin shugaba Buhari kan yadda al’amuran tsaro ke tabarbarewa a kasar.

“Idan gwamnati ba za ta iya ba ta yi murabus,” Yakasai ya rubuta a shafinsa na Twitter.

Ya kuma kara da cewa jam’iyyar APC ta gaza a kowanne mataki na kare rayuka da dukiyoyin jama’a.

Amma tuni ya riga ya goge rubutun daga shafin nasa.

Da farko hukumar ta DSS ta musanta cewa tana tsare da Salihu, wanda aka fi sani da “@dawisu” a shafin Twitter, lamarin da ya janyo ce-ce-ku-ce kan ‘yancin fadin albarkacin baki.

Amma daga baya hukumar ta DSS ta fito ta amsa cewa tana tsare da shi.

Cikin wata sanarwa da kakakinta Peter Afunanya ya fitar, hukumar ta ce tana binciken Yakasai ne ba don rubutun da ya yi ba.

“Ana bincikensa ne kan wasu al’amura ba don ya ra’ayin da ya bayyana ba a shafin sada zumunta kamar yadda wasu suke zargi.” Afunanya ya ce.

Gwamnan Jihar Kano, Dr Abdullahi Umar Ganduje
Gwamnan Jihar Kano, Dr Abdullahi Umar Ganduje

Rahotanni sun ce a lokacin ana tsare da shi, gwamnatin jihar Kano ta kore shi daga bakin aikinsa, kamar yadda wata sanarwa da kwamishinan yada labarai Muhammed Garba ta nuna.

Wannan ba shi ne karon farko da Yakasai yake sukar gwamnatinsu ta APC ba, wacce ita ke mulki a Kano karkashin gwamna Abdullahi Umar Ganduje.

A watan Oktoban shekarar da ta gabata ya taba sukar Buhari kan zanga zangar Endsars da ta mamaye wasu sassan kasar lamarin da ya sa har aka dakatar da shi daga aiki amma daga baya aka mayar da shi.

Karin bayani akan: Nigeria, da Najeriya.

Sauyin yanayi : Yankin Sahel na Afrika

Yadda Sauyin Yanayi Ke Rura Wutar Rikici A Yankin Sahel
please wait

No media source currently available

0:00 0:12:44 0:00
Karin bayani akan Rahotannin Taskar VOA

Nijar, Fulani, Wodaabe

Yadda Funalin Wodaabe Suka Gudanar Da Gasar Nuna Kyau A Nijar
please wait

No media source currently available

0:00 0:02:22 0:00
Karin bayani akan Rahotannin Taskar VOA

Gobara A Jihar New York

An Yi Jana'izar Mutane 15 Da Suka Mutu A Gobara A Jihar New York
please wait

No media source currently available

0:00 0:03:00 0:00
Karin bayani akan Bidiyo
XS
SM
MD
LG