Dan wasan Borussia Dortmand Erling Haaland zai yi jinyar wasu makonni bayan wani rauni da ya ji a saman cinyarsa, kocin kungiyar Marco Rose ya ce.
A kwanan nan dan wasan ya dawo daga jinya bayan fama da ya yi da matsalar ciwon jijiya, inda har ya zura kwallo biyu a karawar da Dortmund ta doke Mainz da ci 3-1.
Hakan ya ba Dortmund damar darewa kan teburin gasar ta Bundesliga da ake bugawa a Jamus a karshen makon da ya gabata.
Sai dai a ranar Asabar Haaland dan shekara 21 ya fuskanci sabon kalubale a karawar da suka yi da Armenia Bielefeld a ranar Asabar.
Dan asalin kasar Norway, Haaland bai samu damar bugawa kasarsa wasan neman gurbin shiga gasar cin kofin duniya ba da kasar Turkiyya, Latvia da Montenegro saboda ba a iya tafiya sanadiyyar ciwon jijiyar.
Haaland ya ci wa Dortmund kwallaye 70 a wasanni 69 tun bayan da ya koma kungiyar daga Red Bull Salzburg a shekarar 2019.
