Wannan kiran dai ya biyo bayan kisa da ramuwar gayya da a ‘yan kwanakin bayan nan suka yawaita a yankin karamar hukumar Barikin Ladi.
Sakataren kungiyar Miyetti Allah a Barikin Ladi, Abubakar Gambo, ya ce da yammacin ranar Juma’a ne wasu fulani dake dawowa daga kasuwar Kara, su biyar cikin mota wasu ‘yan binidga suka bude musu wuta, suka kwashe mutanen suka kunnawa mutarsu wuta.
Shi kuma shugaban kungiyar matasan Birom na kasa, yayi kuka ne ganin yadda mutane ba sa iya zuwa gonakinsu, saboda fargabar irin kashe-kashe da ake yi. Wanda hakan yasa an yi asarar rayukan kusan mutane 20 cikin mako biyun da suka gabata.
Kakakin rundunar tsaro ta STP a jihar Filato, Manjo Umar Adam, yayi kira ga mutanen karkara da kar su ci gaba da daukar mataki a hannunsu, a nemi jami’an tsaro a yi musu bayani domin su dauki matakan da suka kamata wajen samar da zaman lafiya.
Domin karin bayani saurari rahotan Zainab Babaji.
Facebook Forum