Accessibility links

Labari da Dumi-Duminsa

Gareth Bale Zai Koma Real Madrid


Gareth Bale

Dan wasan Tottenham Hotspur Gareth Bale ya ce zai koma kungiyarsa ta Real Madrid da zarar ya kammala wa’adin zaman aro da yake yi a London.

A lokacin bazara, wa'adin nasa zai kare Tottenham.

A dai watan Satumbar bara, Bale mai shekara 31 ya koma Tottenham a matsayin aro karkashin wani kwantiragi na tsawon kakar wasa daya.

A baya, an yi ta hasashen yadda makomarsa za ta kasance, amma a ranar Talata sai ga shi ya fito yana cewa yana fatan zai koma Real Madrid don buga kakar wasa ta 2021-2022, kamar yadda kafafen yada labarai suka ruwaito

A watan Yunin 2022 kwantiragin Bale zai kare a Madrid, amma al’amuransa sun dagule a kungiyar ta Spaniya.

Duk da ya zura kwallo sama da 100, ya kuma lashe kofin La Liga biyu da na Champions League hudu – da kuma fitacciyar kwallon nan da ya ci Liverpool a shekarar 2018, Bale ya fuskanci kalubale a zamansa da Madrid.

Ya sha fuskantar suka daga masoya kungiyar ta Madrid, sannan a karshen kakar wasa ta 2018-2019, manajan kungiyar Zinadine Zidane ya taba cewa, zai fi kyau idan Madrid ta raba gari da Bale.

Wata tuta da Bale a rike a shekarar 2019 a lokacin yana bugawa Wales wasa, dauke da wasu kalmomi “Wales. Golf. Madrid,” sun bakantawa mutane rai da dama.

Dubi ra’ayoyi

Diego Maradona 1960-2020
please wait

No media source currently available

0:00 0:01:07 0:00
Karin bayani akan Diego Maradona
XS
SM
MD
LG