Accessibility links

Labari da Dumi-Duminsa

Hadadiyar Daular Larabawa Zata Kafa Sansanin Sojin Ruwa A Somaliland


Shugaban Somaliland Ahmed Silanyo
Shugaban Somaliland Ahmed Silanyo

Da gagarumar rinjaye, majalisar dokokin Somaliland, yankin kasar Somalia da ya balle, ta amince da wata yarjejeniyar da hadaddiyar daular Larabawa(UAE) da zai baiwa daular izinin kafa sansaninin mayakan ruwa dana sama a garin Berbera mai tashar jiragen ruwa.

Shugaban Somaliland, Ahmed Mohammed Silanyo, shine ya gabatar da kudurin jiya Lahadi, a zaman hadin gwuiwar da majalisun duka biyu suka yi, yana mai cewa matakin "zai jawo masu zuba jari, kuma hakan bai zai jawo wata illa ga Somaliland ko yankin ba."

Wasu 'yan majalisar sun fusata wajen nuna adawa da kudurin, suna kalamai marasa dadi ga shugaban kasan , kamin a fidda su daga cikin majalisar. Daga bisani ne wakilai 144 cikin 151 dake majalisar suka amince da kudurin.

Idan har aka rattaba hannu kan yarjejeniyar, hakan zai baiwa hadaddiyar daular Larabawan madogara ta soji a yankin na kuryar Afirka. Tuni daular ta cimma irin wannan yarjejeniyar da kasar Eritrea.

Masu sharhi suka ce daular tana da niyyar kafa sansanonin sojin na lokaci mai tsawo, domin ta rika sa ido kan zirga zirgar ruwa a kuryar Afirka da kuma kogin Baharum ko Red Sea da turanci.

XS
SM
MD
LG