Accessibility links

Labari da Dumi-Duminsa

Harin Amurka A Somalia Ranar Asabar Ya Hallaka Mayakan al-Shabab 27


Kungiyar al-Shabab

Wani harin da jiragen yakin Amurka suka kai Somalia ranar Asabar ya yi sanadiyar mutuwar mayakan al-Shabab 27 kamar yadda runudunar sojojin Amurka dake nahiyar Afirka suka sanar

Wani harin sama da jiragen yakin Amurka suka kai a ranar Asabar a Somalia, ya hallaka mayakan Al Shabab 27, a cewar, rundunar dakarun Amurka mai kula da shiyyar Afirka.

Rundunar ta bayyana hakan ne a sakon Twitter, tana mai cewa harin an kai shi ne tare da hadin gwiwar gwamnatin Somalia a yankin Bosaso da ke yankin Puntaland mai kwarkwaryan ‘yancin kai.

A cewar rundunar ta Amurka, ba a kashe farar hula ko daya a harin ba.

Hare-haren Amurkan a cewarta, na kaikaitar sansanonin da ake horarwa da mayakan kungiyar da kuma maboyarsu a baki dayan kasar ta Somalia da kuma yankin.

A dai ranar Alhamis din da ta gabata, wani harin saman da Amurkan ta kai akan mayakan na Al Shabab, ya hallaka mutum 12 a can kudancin Mogadishu.

Harin na ranar Asabar na zuwa ne, bayan da mayakan na Al Shabab suka kai hari a wani sansanin soji a Puntland, inda suka yi ikararin kashe sojoji biyar, kana suka ce sun jikkata wasu bakwai tare da lalata kayayyakin sojin kasar ta Somalia.

Facebook Forum

Shin PI Za Ta Fashe Kuwa Ko Yaudara Ce Kawai?

Karin bayani akan Bidiyo
XS
SM
MD
LG