Hukumar Kiwon Lafiya Ta Duniya Za Ta Fara Gwajin Maganin Rigakafin Cutar Cizon Sauro

Hukumar kiwon lafiya ta duniya wato, WHO a takaice ta zabi kasashen Ghana da Kenya da kuma Malawi sukasance kasashe na farko da za’a fara gwada maganin hana kamuwa da cutar Malariya na farko wanda za’a gwadashi shekara mai zuwa a kan kananan yara.

Maganin da za’ayi allurarsa wanda a kafi sani da suna RTSS ko kuma Mosquirix an kirkire shi ne a ma’aikatar kamfanin hada magunguna ta Birtaniya, GlaxoSmithKline.

Za’ayi wannan gwaji ne akan jarirai da kuma yan yara kanana yan watanni 15 zuwa 17.