Accessibility links

Labari da Dumi-Duminsa

Hukumar Kwastan Ta Kama Kayan Fasa Kwauri


LAGOS: Hukumar kwastan ta kama bindigogi a tashar tekun ruwan Legas
LAGOS: Hukumar kwastan ta kama bindigogi a tashar tekun ruwan Legas

Hukumar kwastan mai kula da shiya ta daya, data kunshi jihohin Legas da Ogun ta kama kayan fasa kwauri na miliyoyin naira cikin kasa da watani biyu.

Shugaban hukumar Kwastan mai kula da shiya ta daya, Kwanturola Mohammed Uba Garba ne ya sanar da haka a wani taron manema labrai da ya kira a birnin Lagos.

Kwanturolan ya bayyana cewa akasarin kayayyakin da hukumar ta kama, kayayyaki ne da suka hada da shinkafa da tayoyin mota da ake kira “tokumbo”, da kuma wadansu kayayyaki da aka hana shigowa da su, ko kuma kayayyakin da aka bada izinin shigowa dasu, amma aka yi amfani dasu wajen boye kayayyakin da aka hana shigowa da su.

Ya bayyana cewa, sun kama shinkafa buhu dubu shida da dari uku da hamsin da shida, wanda darajar kudinsa shine Naira miliyan saba’in da takwas, da dari uku da casa’in da biyar. Ya kuma ce, hukumar ta kama ganyen wiwi kunshi dari uku da tamanin da hudu wanda yace an kimanta cewa kudinshi zai iya kaiwa Naira miliyan goma sha takwas dubu dari hudu da talatin da biyu.

Yace akwai kuma tayoyi da aka hana shigowa dasu dubu hudu da dari tara da tamanin da hudu, wanda su kansu adadin kudinsu ya kai miliyan arba’in da biyu. Akwai kuma motoci guda goma sha biyu wadanda kudinsu ya kai miliyan hamsin da takwas da dari takwas da sha tara.

Kwanturola Mohammed Uba Garba ya bayyana cewa, adadin farashin kayan da suka kama ya kai Naira miliyan dari shida da bakwai da dubu dari bakwai da goma sha bakwai da naira dari biyar da talatin da biyar.

Ga cikakken rahoton da wakilinmu Babangida Jibrin ya aiko daga birnin Ikko.

Hukumar Kwastan tayi kamu-2'23
please wait

No media source currently available

0:00 0:02:23 0:00

  • 16x9 Image

    Grace Alheri Abdu

    Grace Alheri Abdu  babbar Edita ce (Managing Editor) a Sashen Hausa na Muryar Amurka wadda ta shafe sama da shekaru 30 tana aikin jarida. Tana da digiri na biyu a fannin dokoki da huldar diplomasiyar kasa da kasa, da kuma digiri na biyu a fannin nazarin addinan al'adun gargadiya na kasashen Afrika.

Facebook Forum

XS
SM
MD
LG