Kamfanin Apple ya sami izinin gwajin motoci masu tuka kansu a kan titunan jihar California, wanda ya shiga jerin kamfanonin kimiyya dake wannan gwaje gwaje.
Ma’aikatar kula da motoci ta jihar California ta bayyana a ranar Juma’a cewar ta baiwa kamfanin damar gwada motoci guda uku da kamfanin Lexus ya kera.
Manyan jami’an kamfanin na Apple sun dade suna tararrabin ko kamfanin zai shirya shiga cikin gasar tseren kirar kimiyyar motar da ke iya tuka kanta.
Kamfanin da ke zaune a California bai bada wani Karin bayani dangane da izinin ba, sabanin nuni da wasikar da kanfanin ya aika a shekarar da ta gabata ta nuna ra’ayi kan kirar kimiyyar motocin masu tuka kansu.
Kamfanin na Apple dai shine na baya bayan nan wajen shiga filin gwajin motocin marasa direba, wanda kamfanoni kimanin 29 tuni suna da izinin gwajin kimiyyar a California. Wanda ya hada da Mashahurin kamfanin nan na kimiyya wato Google da kuma kamfanoni da suke kera motoci da suka hada da Ford da General Motors da BMW da Volkswagen da kuma Tesla.
Facebook Forum