An samu rigingimun yan adawa da tashe tashen hankula a runfunar zabe da dama. Akalla mutane biyu ne aka harbe har lahira a wasu arangama tsakanin yan sanda da masu zanga zanga.
Shugaba Uhuru Kenyata yake neman a sake zabensa a karo na biyu a wannan zaben. Kotun kolin kasar ta soke nasarar da ya yi a zaben ranar takwas ga watan Agusta, bayan gano wasu kura kurai da rashin gaskiya wurin aikewa da sakamakon zaben. Kusan kashi tamanin na mutane da suka yi rajista ne suka kada kuru’unsu a zaben na watan Agusta.
Madugun yan adawa Raila Odinga ya janye daga shiga takarar a farko wannan wata, inda yake cewar hukumar zaben kasar bata yi gyare gyaren da yakamata ta yi wurin shirya zaben ba. Odinga ya gargadi magoya bayansa da su kaucewa zaben, wani mataki da ake ganin shine ya tabbatar da nasarar shugaba Kenyatta
Odinga ya fitar da wata sanarwa a jajiberen zaben inda ya dau alkawarin cewar hadakar kungiyoyinsu ta Nationa Super Alliance NASA a takaice ta rikide ta zama kungiyar fafutuka.
Facebook Forum