Kwamitin Sulhu Akan Rikicin Yemen Ya Fara Zama

Kwamitin sulhu akan rikice-rikcen kasar Yemen, ya fara wani zama don kawo karshen fadan da ya kwashe shekaru sama da 2.

18:49 Disamba 06, 2018

Yusuf Harande

Photo: Reuters

Kwamitin sulhu akan rikice-rikcen kasar Yemen, ya fara wani zama don kawo karshen fadan da ya kwashe shekaru sama da 2.

WASHINGTON DC, —

Bangarorin da ke rikici da juna a kasar Yemen sun taru a kasar Sweden, a wani sabon zangon tattaunawa kan yadda za a kawo karshen rikicin, wanda aka kwashe shekaru hudu ana yi.

Rahotanni sun nuna cewa rikicin na Yemen, na gab da jefa kasar cikin matsalar yunwa.

An fara tattaunawar ce a birnin Rimbo a ranar Alhamis, karkashin jagorancin Majalisar Dinkin Duniya.

Wanannan zaman sasanta rikicin, shi ne na farko ciki shekaru biyu, wanda ake yi tsakanin gwamnatin kasar ta Yemen mai samun goyon bayan Saudi Arabia, da kuma ‘yan tawayen Houthi da ke samun goyon bayan Iran.

Taron na gudana ne, a dai-dai lokacin da kasashen duniya ke suka, kan yadda al’umar kasar ta Yemen ta fada cikin wani hali, da kuma kisan dan jaridar kasar Saudiya Jamal Khashoggi.

Yusuf Harande

Yusuf Aliyu Harande, dan jarida da ke aiki da Sashen Hausa na Muryar Amurka (VOA). Yana da kwarewa a fannoni da dama, da suka hada da shafukan yanar gizo, talabijin, bincike, rubutu da hotuna. Dan asalin kauyen Hiliya ne daga karamar Hukumar Tambuwar a jihar Sakkwato.

Subscribe