Kungiyar fafitikar kafa kasar Biafra bata da banbanci da kungiyar Boko Haram, don haka haramta ta yayi dai-dai, a cewar wasu lauyoyi.
Wani lauya mai zaman kansa Ibrahim Tukur El-Sudi ya shaidawa Hassan Maina Kaina cewa tunda kungiyar ta kama hanyar fito na fito da mahukuntar kasar, wannan yasa gwamnonin jihohin kudu maso gabas suka haramta ta.
Yace abinda wannan haramcin ke nufi shine dukkan abubuwa da suke yi tilas ne su daina idan ba haka ba ko sun karya doka kuma ana iya hukunta su.
Lauyan yace da zaran an kira wani da aikata ta’adanci, wato mutumin yana yin wasu abubuwan dake tsoratar da mutane, to bai kamata a barshi yaci gaba da wannan akidar ba.
Shima Aliko El-Rashid Haruna masanin harkokin tsaro cewa yayi wannan ayyanawar da ma’aikatar tsaro tayi na kiran kungiyar IPOB ta ‘yan taaada daidai ne.
Hassan Maina Kaina na dauke da karin bayani:
Facebook Forum