Accessibility links

Labari da Dumi-Duminsa

Limaman Addinin Krista Sun Nanata Muhimmancin Zaman Lafiya.


Papa Roman

Shugabannin addinin Krista a Najeriya sun nanata muhimmancin zaman lafiya da kuma aika sakon zaman lafiya da hadin kai tsakanin yan Najeriya. Manyan mabiya addinin Kristan sun yi wannan kira ne yayin da ake shirin buki Krismeti na wannan shekarar 2017.

A cikin hudubarsu ga al’umma, limaman Kristan sun gargadi mabiya addinin Krista su kasan ce jakadun Yesu Almasihu wajen wanzan da zaman lafiya musamman a wannan lokaci da ake shirin bukin ranar haifuwar Annabi Isa Alaihi Sallam. An kuma gargadi Kristoci kada su maida wannan bukin lokaci na sharholiya, amma lokaci ne da zasu nuna halaye na gari.

Shugaban darikar ECWA ta kasa da kasa, Reverend Jeremiah Gado yace Annabi Isa Alaihi Sallam ya zo duniya ne ya kawo salama ga mutane don haka wajibi ne ga mabiyansa su yi koyi da halaiyar sa. Ya kuma kabalanci yan Najeriya musamman yan Krista da Musulmi halolinsu ya nuna addinansu daga Allah ne.

Shima Pastor Daniel Manu Faruk yace ba rana ce wanda kawai za a yi shagulgula kawai ba ne, rana ce da za a tuna kaunar da ubangiji ya yiwa duniya. Yace yakamata Kristoci a wannan lokaci su karfafa ziyarar juna kuma su kara bada kyauta ga jama’a.

please wait
Embed

No media source currently available

0:00 0:02:41 0:00

Facebook Forum

XS
SM
MD
LG