Accessibility links

Labari da Dumi-Duminsa

Los Angeles: An Harbe Mutane 10 Har Lahira A Wurin Bikin Sabuwar Shekara Ta China


Birnin Los Angeles na jihar California.
Birnin Los Angeles na jihar California.

Wani mutum ya harbe mutane 10 a wani wurin shagalin bikin murnar sabuwar shekara ta kasar China a wani birni da ke gabashin birnin Los Angeles, kuma har yanzu ana nemansa ruwa a jallo a cewar ‘yan sanda.

An kwashe mutanen 10 zuwa asibitocin yankin domin yi musu jinya sakamakon raunukan da suka samu, kuma a kalla daya na cikin mawuyacin hali, kamar yadda ma'aikatar shari'ar Los Angeles ta sanar da safiyar Lahadi, kimanin sa'o'i biyar bayan harin da aka kai a filin shakatawa na Monterey Park.

Lokacin da 'yan sandan yankin suka fara isa wurin, mutane suna t "fitowa daga wurin cikin kururuwa," in ji kyaftin din sashen Andrew Meyer ga manema labarai a wani taron manema labarai a wurin.

Kawo yanzu dai babu wani bayani kan dalilin harbin ko kuma bayanin wanda ake zargi, ko kuma irin bindigar da aka yi amfani da ita.

An yi harbin ne bayan karfe 10 na dare a kusa da wurin da ake bikin sabuwar shekara ta kasar China, inda aka rufe yawancin titunan cikin gari don bukukuwan da ke jawo dubban mutane daga ko'ina cikin Kudancin California. 'Yan sanda sun ce an soke bikin da aka shirya yi ranar Lahadi.

LOS ANGELES TIROTEO
LOS ANGELES TIROTEO

Monterey Park birni ne mai kusan mutane 60,000 a nisan kilomita 11 daga cikin garin Los Angeles. Kimanin kashi biyu bisa uku na mazaunanta 'yan yankin Asiya ne, bisa ga kididdigar hukumar kididdiga ta Amurka, kuma an san birnin da yawan gidajen cin abinci da kayan abinci na kasar China. Ma’aikatar shari’ar ta ce ba ta san ko harin na da nasaba da kabilanci ba.

Hotunan faifan bidiyo da kafafen yada labarai na kasar suka dauka, sun nuna mutanen da suka jikkata, da dama daga cikinsu da alama matsakaita ne, ana loda su cikin motocin daukar marasa lafiya a kan shimfida.

Seung Won Choi, wanda ke da gidan cin abinci na barbecue a kusa da wurin da aka kai harin, ya shaida wa jaridar Los Angeles Times cewa, mutane uku ne suka shiga cikin gidan abincin nasa suka ce ya kulle kofar saboda wani mutum ya bude wuta ga mutanen da dama a gidan rawa dake tsallaken titi.

Yan Sandan birnin Los Angeles
Yan Sandan birnin Los Angeles

XS
SM
MD
LG