Accessibility links

Labari da Dumi-Duminsa

Magoya Bayan Shigowar Baki Za Su Yi Zanga-Zanga Yau a Amurka


Wata zanga-zangar magoya bayan shigowar baki Amurka

A cigaba da nuna rashin amincewa da manufofin Shugaba Trump kan shigowar baki, kungiyoyin magoya bayan kaurar jama'a daga kasa zuwa kasa za su yi zanga-zanga yau a fadin Amurka.

Kungiyoyi masu goyon bayan kaurar jama'a daga kasa zuwa kasa, na shirin gudanar da jerin zanga-zanga a fadin Amurka a yau dinnan Asabar, don su nuna bacin ransu kan manufofin Shugaba Donald Trump na babu sani ba sabo game da bakin haure.

Hadakar kungiyoyi masu ra'ayin gaba-dai gaba-dai, ciki har da kungiyoyin da su ka shirya zanga-zangar mata shekaru biyu da su ka gabata, na shirin tsara yadda wasu mutane sama da 600 za su tattara dubban mutane su yi zanga-zangar a fadin kasar.

Ana kan shirya zanga-zangar ce a manyan biranen da su ka hada da Washington DC, da Los Angeles da New York da kuma sauran kanana garuruwa a fadin kasar.

Zanga-zangar ta yau Asabar, wacce aka yi wa taken, A Dunkule Iyalai Su ke, na samun kudaden gudanarwa da kuma goyon baya ne daga kungiyoyi da dama ciki har da kungiyar American Civil Liberty da MoveOn.Org.

Facebook Forum

XS
SM
MD
LG