Accessibility links

Labari da Dumi-Duminsa

Man Fetur Da Najeriya Ke Samarwa Yayi Kasa Da Kaso 40


Man fetur din da Najeriya ke samarwa ya yi kasa da kusan kaso 40, sakamakon tada kayar bayan 'yan Neja-Delta da kai hare-hare, kamar yadda karamin ministan mai Emmanuel Kachikwu ya bayyana. Kamar yadda ya sanar da manema labarai a zauren ‘yan majalisar wakilai a yau Litinin.

Inda yace yanzu samar da gangar man da aka saba na yawan da ya kai Miliyan 2 da digo 2 ne kawa a rana. Yanzu an koma ana samar da ganga Miliyan 1 da Dubu Dari Hudu ne kawai a rana, sannan kuma akan Dalar Amurka 38 bisa farashin kowace gangar mai.

Ana asarar ganga kimanin Dubu Dari Takwas kenan a kullum. Najeriya dai ta ta’allaka ne ga yawan gangar man da take samarwa a kullum, wanda ko kasafin kudin bana na shekarar 2016 yayi hasashe ne bisa samuwar gangar mai Miliyan Biyu da Dubu Dari Biyun da ake samu a da.

‘Yan tsageran sun shafe shekaru fiye da 10 suna fasa butun da satar gangunan man kasar ko kuma bata wuraren da na’urorin hakar mai suke a yankin.

Karshe ministan yace gwamnati zata dubi lamarin afuwar da aka yi musu a baya. Tare da nuna Najeriya zata kashe kudi akan bangaren man kasar.

Zauren VOA Hausa #EndSARS

Zauren VOA Hausa #EndSARS Kashi na Biyu 03
please wait

No media source currently available

0:00 0:18:31 0:00
Karin bayani akan #ENDSARS: Zanga Zangar Kyamar Gallazawa Al’umma Da Yan Sanda Ke Yi

Rayuwar Birni

Hira da Yusuf, wani dan asalin Jamhuriyar Nijar da ya shekara a Abuja yana sana’r gyaran takalmi
please wait

No media source currently available

0:00 0:02:39 0:00
XS
SM
MD
LG