Sai dai a wasan, wanda bangarorin suka yi ta kai wa juna hare-hare, United ta so ta shammaci Liverpool amma mai tsaron ragar Liverpool Alisson ya hana.
Hakan na nufin kwallayen Bruno Fernandes da na Paul Pogba da Alisson ya doke, sun sa Liverpool ta ci gaba da rike tarihinta na rashin shan kaye a gida.
Yanzu kungiyoyin sun samu maki daya-daya. Ita dai Liverpool, ita ke rike da kofin gasar.
Yanzu United na da maki 37 yayin da Liverpool take da maki 34, wato suna da tazarar maki 3 kenan a tsakaninsu.
Sauran wasannin da aka buga a karshen makon da ya gabata, Wolverhampton Wanderers ta sha kaye a hanun West bromwich Albion da ci 3-2.
Chelsea ta doke Fulham da ci daya mai ban haushi yayin da ita kuma Westham United ta doke Burnley da ci daya da banza.
Tottenham ita ma ta lallasa Shieffield United da ci 3-1. Manchester City kuma ta lallasa Crystal Palace da ci 3-0.
