Accessibility links

Labari da Dumi-Duminsa

Musulmi  a Fadin Duniya Na Harmar Karamar  Sallah


Mai Alfarma Sarkin Musulmi Muhammadu Sa'ad Abubakar (III).

Musulmi a fadin duniya na shirin shagulgulan zagayowar daya daga cikin bukukuwansu mafiya girma duk kuwa da kalubalen cutar corona. Bukin na karamar Sallah ta Eid al-Fitr na tsawon kwanaki uku ana kyautata zaton za a fara shi ne daga yau Asabar ko kuma gobe Lahadi, wanda ke tabbatar da karewar watan azumi na Ramadan ga Musulmin duniya masu yawan kimanin biliyan 1.8. Bisa al’ada wannan bukin ya hada da tafiye-tafiye, ziyarce ziyarce da kuma haduwa a ci hadadden abinci, wadanda duk za a takaita su wannan karon saboda hukumomi na kokarin dakile sake barkewar cutar.

Wasu kasashen, ciki da Turkiyya da Iraki da Jordan, za su kafa dokar hana fita a tsawon lokacin bukin na Sallah. A Saudiyya, inda nan ne birane masu tsarki na Makka da Madina su ke --- za a bar mutane su fita daga gidajensu ne kawai idan za su sayo ko magunguna.

Indonesia Mosques
Indonesia Mosques

(Wani masallaci a Indoneshiya)

Kai ko ma a kasashen da su ka sake bude harkokin sosai, durkushewar tattalin arzikin da ya biyo bayan kulle da aka yi na makonni da dama na neman rage ma bukin Sallar armashi.

An sassauta tsaurin akasarin matakan da aka dauka a Birnin Kudus, to amma masallacin Al-Aqsa – wanda shi ne na uku a tsarki a Musulunci – zai cigaba da kasancewa a rufe har sai bayan karamar Sallar. ‘Yan tireda da ke Tsohon Birnin, wanda ya kasance babu masu zuwa ziyarar harkokin ibada da na yawon bude ido, na kokawa da tasirin kullen da aka yi na tsawon makonni.

Facebook Forum

Zauren VOA Hausa #EndSARS

Zauren VOA Hausa #EndSARS Kashi na Biyu 03
please wait

No media source currently available

0:00 0:18:31 0:00
Karin bayani akan #ENDSARS: Zanga Zangar Kyamar Gallazawa Al’umma Da Yan Sanda Ke Yi

Rayuwar Birni

Hira da Yusuf, wani dan asalin Jamhuriyar Nijar da ya shekara a Abuja yana sana’r gyaran takalmi
please wait

No media source currently available

0:00 0:02:39 0:00
XS
SM
MD
LG