Accessibility links

Labari da Dumi-Duminsa

Mutane Akalla 150 Suka Mutu A Brazzaville


Wannan hoto da aka cira daga jikin bidiyo tun daga tsallaken kogi a Kinshasa, ya nuna fashewar da ta girgiza Brazzaville, babban birnin Jamhuriyar Kwango, lahadi 4 Maris, 2012.

A bayanda wasu fashe-fashen masu karfin gaske suka tashi a wani wurin tara makamai dake bakin Kogin Kwango

Ma’aikatan diflomasiyya da jami’an gwamnati sun ce mutane akalla 150 sun mutu, cikinsu har da wasu ma’aikata ‘yan kasar China, a lokacin wasu fashe-fashen da suka faru a Brazzaville, babban birnin Jamhuriyar Kwango.

Hukumomi sun ce wasu fashe-fashe masu karfin gaske sun wakana yau lahadi da safe a wani wurin tara makamai dake dab da bakin gabar kogin Kwango.

Wani jami’in jakadancin kasar China a Barzzaville ya fadawa kamfanin dillancin labaran Xinhua cewa akwai ma’aikata ‘yan kasar China su akalla 4 a cikin wadanda suka mutu, yayin da wasu da dama suka ji rauni. An ambaci Duan Jinzhu yana fadin cewa ofishin jakadancin yana kokarin samo karin bayani a game da mace-macen.

Har ya zuwa yanzu ba a san abinda ya haddasa wadannan fashe-fashen ba.

Shaidu sun ce fashe-fashen sun cilla hayaki mai yawa sama, sun kuma ragargaza tagogi a Kinshasa, babban birnin Kwango ta Kinshasa dake tsallaken kogi daga nan.

Dubi ra’ayoyi (3)

An rufe wannan dandalin

Dalilin Da Ya Sa Nake Sana’ar Sayar Da Shayi Duk Da Cewa Ni Kansila Ne

Dalilin Da Ya Sa Nake Sana’ar Sayar Da Shayi Duk Da Cewa Ni Kansila Ne - Dayyabu Lawal Bala
please wait

No media source currently available

0:00 0:03:52 0:00
Karin bayani akan Rahotannin Taskar VOA

Bikin Lasar Gishiri

Yadda Aka Yi Bikin Lasar Gishiri A Jamhuriyar Nijar
please wait

No media source currently available

0:00 0:03:32 0:00
Karin bayani akan Rahotannin Taskar VOA
XS
SM
MD
LG