Accessibility links

Labari da Dumi-Duminsa

Mutane Tara Sun Rasa Rayukansu a Somaliya


Wasu dakarun Afirka masu wanzar da zaman lafiya a Somaliya

Biyo bayan harin da kungiyar al-Shabab ta kai kan sansanin sojojin Afirka masu wanzar da zaman lafiya a kasar mutane tara suka rasu

A Somaliya rundunar dakarun hadin gwiwar kasashen Afirka wato AU ta bayyana cewa mutane 9 ne suka rasa rayukansu biyo bayan wani hari da mayakan al-Shabab suka kaiwa sansaninsu a kusa da babbar tashar jirgin sama na kasa da kasa a Mogadishu.

Rundunar dake ayyukan wanzar da zaman lafiya a Somaliya ko AMISOM a takaice, a cikin wata sanarwa ta bayyana cewa mayakan al-Shabab sanye da kayan sojojin Somaliya suka haura zuwa harabar sansanin da rana jiya Alhamis.

Sanarwar ta kara da cewa mayaka biyar, tare da sojojin AU guda 3 da wani farin hula daya ne suka rasa rayukansu a harin, sannan an cafke wasu mayakan al Shaban guda uku.

Rundunar AMISOM ta bayyana cewa yanzu haka tana rike da ikon sansanin, kuma ayyuka sun cigaba kamar yadda suka saba.

A lokacin da take daukar alhakin harin, kungiyar al Shaban tace manufarta shine kaiwa wani taron shakatawa hari a sansanin.

Kamfanin dillancin labaran Reuters ya bayyana cewa kungiyar tayi ikirarin kashe mutane 14.

Shin PI Za Ta Fashe Kuwa Ko Yaudara Ce Kawai?

Karin bayani akan Bidiyo
XS
SM
MD
LG