Accessibility links

Labari da Dumi-Duminsa

Osaka Ta Lashe Gasar US Open Ta Shekarar 2020


Naomi Osaka ta lashe gasar US Open ta 2020

Naomi Osaka ta lashe babbar gasar Tennis ta US Open ta bana a bangaren mata, bayan ta yi galaba akan Victoria Azarenka a wasan karshe ta gasar a ranar Assabar.

Wannan ne kofin babbar gasar Tennis na 3 da matashiyar ‘yar shekaru 22 ta lashe, bayan da tayi nasarar lashe gasannin US Open a shekara ta 2018 da kuma Australian Open ta shekarar 2019.

Naomi Osaka ta lashe gasar US Open ta 2020
Naomi Osaka ta lashe gasar US Open ta 2020

Osaka ‘yar kasar Japan da ke matsayin mace ta 4 a duniyar Tennis, ta doke Azarenka ne da turmi biyu da daya; 1-6, 6-3, 6-3, a wasan na karshe da suka kwashe tsawon sa’a daya da mintuna 53 suna fafatawa, a filin wasa na Arthur Ashe da ke New York, wanda yake wayam ba ‘yan kallo.

Azarenka ‘yar kasar Belarus mai shekaru 31, ita ce ta ja gaba a farkon soma wasan, inda a cikin mintuna 26 ta yi wa Osaka turmi daya, to amma daga bisani Osaka din ta yunkuro ta yi waiwayen baya, ta kuma yi nasara a turmi na biyu da na uku.

Victoria Azarenka
Victoria Azarenka

Osaka ta yi kwance rigingine tana kallon sama a cikin filin wasan cikin murna, jim kadan bayan da tayi nasarar lashe wasan.

‘Yar wasar ta yi amfani da takunkumin rufe fuska a lokuta da dama a yayin da ta ke shiga filin wasa, masu dauke saunayen mutane bakar fata daban-daban da ‘yan sanda farar fata suka kashe, domin karrama su, da kuma nuna goyon baya kan fafutukar yaki da wariyar launin fata.

Facebook Forum

XS
SM
MD
LG