Accessibility links

Labari da Dumi-Duminsa

Pentagon Ta Musanta Batun Aikewa Da Sojoji Dubu Goma Zuwa Gabas Ta Tsakiya


Acting Defense Secretary Patrick Shanahan, left, speaks to members of the media alongside Secretary of State Mike Pompeo after a classified briefing for members of Congress on Iran, on Capitol Hill in Washington, May 21, 2019.

Sakataren tsaro mai rikon kwarya Patrick Shanahan, ya karyata rahotanni dake cewa za a aika dakarun Amurka dubu biyar zuwa dubu goma zuwa yanki Gabas ta Tsakiya domin dakile barazanar da Iran ke yi.

Da yake ganawa da manema Labarai, Shanahan yace babu wani batun aika sojoji dubu biyar balle goma, inda yake bayani a kan rahoton kamfanin dillancin labaran Reuters cewa Ma’aikatar Tsaro ta Pentagon tana niyar aika sojojin Amurka kimanin dubu biyar zuwa dubu goma Gabas ta Tsakiya.

Wannan bukatar kara dakarun yazo ne daga kommandan sojin ruwan Amurka a yankin Gabas ta Tsakiya, Janar Kenneth Frank Mckenzie.

Shanahan yace wannan bukata ce da rundunar Amurka a Gabas Tsakiya ta CENTCOM ta saba neman karin sojoji amma kuma yace wannan wani batu ne da yakamata a bashi muhimmanci duba da al’amura dake faruwa a Gabas ta Tsakiya

Sai dai babu tabbas ko Fadar White House zata amince da aika wasu dakarun da jiragen ruwan yaki ba, da kuma kudaden da ake bukata.

Facebook Forum

XS
SM
MD
LG