Rundunar sojan tace ta kubuto da wadannan mutane ne da suka hada da maza da mata da kuma kananan yara da yanzu haka take tantancesu. Har ila yau rundunar sojan ta kuma bayyana cewa ta samo daya daga cikin 'yan matan nan yan makarantar garin Chibok da 'yan Boko Haram suka sace.
Yariyar da ta bada sananta Solomi Pagu ta kasance ta dari da bakwai da aka samu kwatowa daga cikin 'yan mata fiye da dari biyu da aka sace a cikin makarantar su ta garin Chibok. Sai dai rundunar sojan bata bada daman tattaunawa ba da yarinyar.
A makon da ya gabata ma, rundunar sojan ta Nigeria ta bada sanarwar 'yanto wasu mutane fiye da dari bakwai daga hannun ‘ya’yan kungiyar Boko Haram a arewacin jihar Borno. Wadannan nasarori da sojojin ke samu suna tabbatar da nasarar da suke ci gaba da samu a fafatikar da suke da mayakan Boko Haram.
Facebook Forum