Accessibility links

Labari da Dumi-Duminsa

Rantsar Da Sabon Shugaban Hukumar Zabe Ya Haifar Da Tada Jijiyar Wuya


Yau aka rantsar da mambobin hukumar zaben kasar jamhuriyar Nijer, domin soma tsare-tsaren zabubukan shekarar 2021, sai dai jam’iyun adawa basu aika wakilai ba domin a cewarsu haramtaciyar hukuma ce saboda rashin gamsuwa da hanyoyin da aka bi wajen zaben mambobin hukumar.

Sabon shugaban hukumar zaben kasar jamhuriyar Nijer, Issaka Sounna, ya yi rantsuwar kama aiki da kuma alkawarin yin adalci wajan tafiyar da wannan nauyi da aka dora masa.

Ministan cikin gida na jamhuriyar Nijer, Bazoum Mohammed, ya bayyana cewa bikin a matsayin gagarumin ci gaban shirye shiryen da aka sa gaba domin tsara zabubbuka masu tsabta a shekara ta 2021.

Sai dai an gudanar da taron rantsar da mambobin hukumar ne ba tare da halartar wakilan jam’iyyun hamaiya ba, matakin da kakakin kawancen jam’iyun FDDR Alhaji Doudou Mahammadou, ya alakanta da rashin amincewa da hanyoyin da masu rinjaye suka bi domin zaben mambobin hukumar.

A farkon watan jiya ne wani taron majalisar CNDP da bai sami halartar jam’iyun adawa ba ya zabi mutanen da yake bukata shugaba Mahammadou Issoufou, ya nada a matsayin shugaban hukumar zabe da mataimakinsa, matakin da ya haifar da tada jijiyoyin wuya daga wajan ‘yan jam'iiyar hamaiyya ke ganin an yi son kai, zargin da masu rinjaye suka ce ba gaskiya bane.

Wakilin muryar Amurka a yamai Sule Mumuni Barma ya aiko mana Karin bayani.

please wait

No media source currently available

0:00 0:03:24 0:00

Facebook Forum

Sakataren Gwamnatin kasar Amurka Michael R. Pompeo

Magoya Bayan Trump Sun Afkawa Ginin Majalisun Amurka

Magoya Bayan Shugaba Donald Trump Sun Mamaye Ginin Majalisar Dokokin Amurka
please wait

No media source currently available

0:00 0:00:56 0:00

Rayuwar Birni

Rayuwar Birni: Hira da Aliyu Danlami mai sayar da furanni a Abuja
please wait

No media source currently available

0:00 0:04:49 0:00
Karin bayani akan Rayuwar Birni
XS
SM
MD
LG