Washington D.C. —
Real Madrid ta fara jin kamshin kofin gasar kofin Zakarun Nahiyar Turai na Champions League bayan da ta lallasa Chelsea da ci 2-0.
Rodrygo ne ya ci duka kwallayen.
Madrid, wacce ita ke rike da kofin gasar, ta bi Chelsea har gida ta doke ta, abin da ya ba ta damar shiga zagayen semi-finals.
Sai dai da a ce Chelsea ta yi amfani da damammakin da ta samu, da ta ba Madrid wahala matuka musamman a bayan da aka dawo daga hutun rabin lokaci.
N’Golo Kante ya zubar da wasu damammaki tun kafin a fara zura kwallaye a wasan.
Sau 14 Madrid ta lashe kofin gasar ta UEFA, yayin da take jiran Manchester City da Bayern Munich da za su kara.
