Washington D.C. —
Real Madrid za ta kai wa abokiyar hamayyarta ta cikin gida Rayo Vallecano ziyara a ranar Litinin.
Madrid za ta yi kokarin darewa saman teburin gasar Sifaniya ta La Liga yayin da za ta kara da Vallecano.
Barcelona ce a saman teburin wacce ta ba Madrid tazarar maki biyu bayan da ta doke Almeria da ci 2-0 a gida a ranar Asabar.
Mai horar da ‘yan wasan kungiyar Carlo Ancelotti dai ba zai dogara da Karim Benzema da Antonio Rudiger ba, saboda ba su kammala murmurewa daga raunukansu ba.
Rayo ta buga wasanni biyu a jere baya-bayan kuma duka ta lashe su.
