Accessibility links

Labari da Dumi-Duminsa

Rundunar Sojin Najeriya Ta Karbi Korafi Sama Da 500 Na Zargin Cin Zarafin Bil Adama Da Sojoji Suka Yi wa Farar Hula


Manjo Janar Markus Kangye, Shugaban sashin harkokin farar hular sojin Najeriya

Alkaluman da sashin ya bayar sun yi nuni da cewa an samu nasarori a korafe-korafe kan jami’an sojin kasar bisa zargin take hakin dan adam.

ABUJA, NIGERIA- A wani yunkuri na inganta dangantakarta da al’ummar kasa, rundunar sojin Najeriya karkashin sashin harkokin farar hula na rundunar ta bayyana cewa sojin kasar ta samu rahotanni tare da daukar matakai akan korafe karafen take hakkin dan’adam sama da 500 da jami’anta suka yi cikin shekaru 6.

Hakan na zuwa ne yayin wata ganawa da sashin ya yi da 'yan jaridu kan kulla kyakyyawar dangataka da kafofin watsa labarai don taka rawa wajen magance matsalolin tsaro a kasar.

A baya dai wasu kungiyoyin kare hakkin dan’ adam irin su Amnesty International da 'yan Najeriya sun sha zargin rundunar soji kasar da cin zarafin farar hula, batun da Shugaban sashin harkokin farin hula na rundunar sojin kasar Manjo Janar Markus Kangye ya yi karin haske game da wannan bangare da ke karkashin sashinsa wanda ke kula da korafe-korafen farar hula kan sojin kasar.

jami'an sashin harkokin farar hular sojin Najeriya
jami'an sashin harkokin farar hular sojin Najeriya

"An kafa wannan bangare domin magance take hakkin bil’adama da ake zargin sojoji da aikatawa a lokacin ayyukansu na tsaron cikin gida da yaki da ta’addanci da ta da kayar baya a Najeriya, wanda a cewar ya kasance wani muhimmin ci gaba da aka samu tun daga shekarar 2016."

Ya kuma kara cewa sai an yi kwakkwaran bincike kan dukkan korafe-korafe da ake samu, kuma a lokuta da dama wasu na da inganci yayin da wasu ba su da shi

Alkaluman da sashin ya bayar sun yi nuni da cewa an samu nasarori a korafe-korafe kan jami’an sojin kasar bisa zargin take hakin dan adam, lamarin da aka danganta da yawan tarukan wayar da kan jama’a kan sanin tasirin wannan bangare na sashin farar hula na rundunar sojin Najeriya.

Birgediya janar Ojogbane Adegbe, Daraktan a fannin ayyukan sanin halayan dan Adam na sashin ya ce "sojojin da muke turawa ko suke aiki a bangaren ba sa saka kayan aiki, don muna son jama’a da suke da wani korafi kan jami’an mu su iya zuwa ba tare da sun ji tsoro ba kuma duk wanda ya je wajen ba zai gane cewa jami’an soji ba ne amma dukkan masu aiki a wajen sojoji ne."

Jami'an sashin harkokin farar hular sojin Najeriya da yan' Jaridu
Jami'an sashin harkokin farar hular sojin Najeriya da yan' Jaridu

Sanin muhimmacin rawar da kafafen watsa labarai ke takawa wajen magance matsalar tsaro musaman ma ga yadda jami’an tsaron suke gudanar da ayyukansu, ya sa sashin farar hula na sojin kasar bullo da dabarun inganta dangataka dake tsakani kamar yadda tsohon Birgediya Janar Usman kuka sheka ya ba shawara

Wannan dai shi ne kwatan farko da sashin farar hula na rundunar sojin kasar ke irin taron karawa juna sani da kafafen watsa labarai don inganta dangantaka al’umma farar hula da rundunar soji kasar.

Saurari cikakken Rahoton Shamsiyya Hamza Ibrahim daga Abuja

please wait

No media source currently available

0:00 0:03:40 0:00

Shugaban Azman

Dalilin Da Yasa Muka Dakatar Da Tafiya Yajin Aikin Sufurin Jiragen Sama a Najeriya - Shugaban Azman
please wait

No media source currently available

0:00 0:02:17 0:00
Karin bayani akan Bidiyo

Sojojin Najeriya sun samu nasarar kwace bindigogi sama da 500

Karin bayani akan Rahotannin Taskar VOA

Shugaban NDLEA a Najeriya, Janar Buba Marwa

Dalilin Da Ya Sa Muke Bin Diddigin Dukiyar DCP Abba Kyari - Buba Marwa
please wait

No media source currently available

0:00 0:02:34 0:00
Karin bayani akan Rahotannin Taskar VOA

Yadda Rikicin ‘Yan Aware A Yankin Kamaru Ya Shafi Wasu Al’ummoni A Najeriya

Yadda Rikicin ‘Yan Aware A Yankin Kamaru Ya Shafi Wasu Al’ummoni A Najeriya
please wait

No media source currently available

0:00 0:04:19 0:00
Karin bayani akan Bidiyo

Gwamna Matawalle

Dalilan Da Suka Sa Muka Sayi Motoci Ga Sarakuna A Zamfara - Gwamna Matawalle
please wait

No media source currently available

0:00 0:04:35 0:00
Karin bayani akan Bidiyo
XS
SM
MD
LG